2019 இல் இலங்கையில் இடம்பெற்ற முக்கிய நிகழ்வுகள்

2019 இல் இலங்கையில் இடம்பெற்ற முக்கிய நிகழ்வுகள் .

2019 பெப்ரவரி

• பெப்ரவரி 6 - போதைப் பொருள் கடத்தலில் மரண தண்டனை விதிக்கப்பட்டவர்களுக்கு இரண்டு மாதங்களில் அவர்களின் தண்டனை நிறைவேற்றப்படும் என அரசுத்தலைவர் மைத்திரிபால சிறிசேன நாடாளுமன்றத்தில் தெரிவித்தார்.
• பெப்ரவரி 23 - இலங்கைத் துடுப்பாட்ட அணி தென்னாப்பிரிக்காவில் தனது முதலாவது தேர்வுத்தொடரை வென்றது. ஆசிய நாடொன்று தென்னாப்பிரிக்காவில் இத்தொடரைக் கைப்பற்றியது இதுவே முதல் தடவையாகும்.

2019 ஏப்ரல்

• ஏப்ரல் 17 - திமுத் கருணாரத்ன இலங்கைத் துடுப்பாட்ட அணியின் தலைவராக அறிவிக்கப்பட்டார்.
• ஏப்ரல் 18 - இலங்கையின் முதலாவது ஆய்வு செயற்கைக்கோள், இராவணா 1 அனைத்துலக விண்வெளி நிலையத்தை நோக்கி காலை 2:16 மணிக்கு வெற்றிகரமாக ஏவப்பட்டது.
• ஏப்ரல் 21 - உயிர்ப்பு ஞாயிறு குண்டுவெடிப்புகள் மூன்று தேவாலயங்களிலும், மூன்று ஐந்து நட்சத்திர விடுதிகளிலும் இடம்பெற்றன. 259 பேர் கொல்லப்பட்டனர்.
• ஏப்ரல் 29 - உயிர்ப்பு ஞாயிறு குண்டுவெடிப்புகள்: அம்பாறை, கல்முனை அருகே சாய்ந்தமருது என்ற ஊரில் வீடு ஒன்றில் பதுங்கியிருந்த தேசிய தவ்கீத் ஜமாத் தீவிரவாதிகள் மீது இலங்கைப் படையினர் தாக்குதல் நடத்தினர். மூன்று தீவிரவாதிகள் குண்டுகளை வெடித்து தற்கொலை செய்து கொண்டனர். ஆறு பிள்ளைகள் உட்பட ஒன்பது குடும்ப உறுப்பினர்களும் இக்குண்டுவெடிப்பில் கொல்லப்பட்டனர். மேலும் நால்வர் படையினரால் கொல்லப்பட்டனர். இதன் போது பொதுமகன் ஒருவரும் கொல்லப்பட்டார்.

2019 மே

• மே 6 - மே 16 - உயிர்ப்பு ஞாயிறு குண்டுவெடிப்புகள்: இலங்கையில் முசுலிம்களுக்கு எதிராக வன்முறைகள் சிலாபத்தில் ஆரம்பித்து பின்னர் வடமேல் மாகாணம் முழுவதும் பரவியது. 9 பேர் கொல்லப்பட்டனர்.

2019 சூன்

• சூன் 3 - பொது பல சேனா என்ற தீவிரவாத பௌத்த அமைப்பின் போராட்டங்களை அடுத்து, இலங்கை அரசின் அனைத்து முசுலிம் அமைச்சர்களும், ஆளுநர்களும் தமது பதவிகளைத் துறந்தனர்.

2019 சூலை

• சூலை 1 - உலக வங்கியின் அறிக்கைப் படி, இலங்கை கீழ்மட்ட நடுத்தர வருமான நிலையில் இருந்து உயர்மட்ட நடுத்தர வருமான நிலைக்குத் தரமுயர்த்தப்பட்டது.
• சூலை 24 - இலங்கைத் துடுப்பாளர் நுவான் குலசேகர அனைத்து வகைத் துடுப்பாட்டப் போட்டிகளிலும் இருந்து இளைப்பாறினார்.
• சூலை 26 - இலங்கைப் பந்து வீச்சாளர் லசித் மாலிங்க ஒருநாள் துடுப்பாட்டப் போட்டிகளில் இருந்து இளைப்பாறினார்.

2019 ஆகத்து [August ]

• ஆகத்து 17 - சவேந்திர சில்வா இலங்கை இராணுவத் தளபதியாக நியமிக்கப்பட்டார்.
• ஆகத்து 28 - இலங்கைப் பந்துவீச்சாளர் அஜந்த மென்டிஸ் அனைத்து வகைத் துடுப்பாட்டங்களிலும் இருந்து இளைப்பாறினார்.

2019 செப்டம்பர்

• செப்டம்பர் 13 முதல் - கொழும்பு, காலி, மாத்தறை ஆகிய நகரங்களில் மழை, வெள்ளம் காரணமாக ஒருவர் இறந்தார், 12 வீடுகள் முற்றாகச் சேதமடைந்தன.
• செப்டம்பர் 16 - தாமரைக் கோபுரம், தெற்காசியாவின் மிக உயரமான கோபுரம் கொழும்பில் திறந்து வைக்கப்பட்டது.
• செப்டம்பர் 23 - முல்லைத்தீவு பழைய செம்மலை நீராவியடி பிள்ளையார் ஆலய வளாகத்தினுள் குருகந்த புராண ரஜமகா விகாரை எனும் பெயரில் பௌத்த கோவில் அமைத்து தங்கியிருந்த மேதாலங்கார கீர்த்தி தேரரின் இறந்த உடல் நீதிமன்றத் தடை ஆணையையும் மீறி, பிள்ளையார் ஆலயத் தீர்த்தப் பகுதியில் காவல்துறையினரின் பாதுகாப்போடு எரியூட்டப்பட்டது.
• 
  
• செப்டம்பர் 24 - முல்லைத்தீவு நீராவியடியில் தேரரில் உடல் தகனம் தொடர்பான நீதிமன்றத் தீர்ப்பை அவமதித்த பௌத்த பேரினவாதத்துக்கு எதிராகவும், வழக்கறிஞர்கள் தாக்கப்பட்டதற்கு எதிர்ப்புத் தெரிவித்தும், முல்லைத்தீவில் மாபெரும் கண்டனப் போராட்டம் இடம்பெற்றது.
• செப்டம்பர் 25:
• இலங்கை இராணுவத் தலைவராக சவேந்திரா சில்வா நியமிக்கப்பட்டதற்கு எதிர்ப்புத் தெரிவித்து, ஐநா அமைதிப் படைகளில் இலங்கை இராணுவத்தினர் பணியாற்றுவதற்கு ஐக்கிய நாடுகள் அவை தடை விதித்தது.
• கொழும்பு பகுதிகளில் கடத்திச் செல்லப்பட்டுக் காணாமல் ஆக்கப்பட்ட பதினொரு தமிழர்கள் தொடர்பான வழக்கில் இலங்கையின் முன்னாள் கடற்படைத் தளபதி அட்மிரல் வசந்த கரன்னாகொடவிடம் விசாரணை நடத்துமாறு கொழும்பு கோட்டை நீதவான் நீதிமன்ற நீதிபதி ரங்க திசாநாயக்க உத்தரவிட்டார்.
• 25 செப்டம்பர் - 7 அக்டோபர் - 12 நாட்கள் தொடருந்து சேவைகள் வேலை நிறுத்தத்தினால் பாதிக்கப்பட்டன.
• 27 செப்டம்பர் - இலங்கைத் துடுப்பாட்ட அணியின் பாக்கித்தான் சுற்றுப்பயணம் ஆரம்பமானது. 3 ஒருநாள், 3 இ20ப] போட்டிகளில் விளையாடியது.

2019 அக்டோபர்

• 5 அக்டோபர் - வரலாற்றில் முதல் தடவையாக அரசுத்தலைவருக்கான வேட்பாளர்கள் கலந்துகொண்ட விவாதமேடை இடம்பெற்ரது.
• 7 அக்டோபர் - 2019 அரசுத்தலைவர் தேர்தல்களுக்கான நியமனப் பத்திரங்கள் ராஜகிரியவில் இடம்பெற்றது. 35 பேரின் வேட்பு மனுக்கள் ஏற்றுக்கொள்ளப்பட்டன.
• 16 அக்டோபர் - யாழ்ப்பாண மாவட்டத்தில் ஆறு அமைக்கும் ஐந்தாண்டுத் திட்டத்திற்கு இலங்கை அமைச்சரவை ஒப்புதல் வழங்கியது.
• 17 அக்டோபர் - இலங்கையின் மூன்றாவது பன்னாட்டு வானூர்தி நிலையம் யாழ்ப்பாணம் சர்வதேச விமான நிலையம் பலாலியில் அதிகாரபூர்வமாகத் திறந்து வைக்கப்பட்டது.

2019 நவம்பர்

• 8 நவம்பர் - கொழும்பு, காலிமுகத்திடலில் நடைபாதை பேரங்காடி ஒன்று திறந்து வைக்கப்பட்டது.
• 10 நவம்பர் - 2005 இல் சுவீடன் நாட்டு பதின்ம வயதுப் பெண் ஒருவரைக் கொலை செய்த குற்றத்திற்காக மரணதண்டனையை எதிர்நோக்கி சிறை வைக்கப்பட்டிருந்த ஜூட் ஜெயமகா என்பவரை அரசுத்தலைவர் மைத்திரிபால சிறிசேன பொது மன்னிப்பளித்து விடுதலை செய்தார்.
• 16 நவம்பர் - 8-வது அரசுத்தலைவர் தேர்தல் நடைபெற்றது.
• 17 நவம்பர் - இலங்கையின் 7-வது நிறைவேற்றதிகாரம் கொண்ட அரசுத்தலைவராக கோட்டாபய ராஜபக்ச 52.25% வாக்குகள் பெற்று வெற்றி பெற்றதாக அதிகாரபூர்வமாக அறிவிக்கப்பட்டார்.
• 21 நவம்பர் - அரசுத்தலைவர் கோட்டாபய ராஜபக்ச இலங்கையின் புதிய பிரதமராக மகிந்த ராசபக்சவை நியமித்தார். மகிந்தவின் தலைமையில் 15 அமைச்சர்கள் கொண்ட இடைக்கால அமைச்சரவை நியமிக்கப்பட்டது.
• 21 நவம்பர் - இலங்கை சுதந்திரக் கட்சியில் இருந்து ஏ. எச். எம். பௌசி நீக்கப்பட்டார்.
• 22 நவம்பர் - இலங்கை வேடுவப் பழங்குடிகள் 9 பேரின் 200 ஆண்டுகள் பழமையான மண்டை ஓடுகளை எடின்பரோ பல்கலைக்கழகம் இலங்கைக்குத் திரும்பக் கொடுத்தது.
• 25 நவம்பர் - இலங்கையில் உள்ள சுவிட்சர்லாந்து தூதரகத்தில் பணியாற்றும் உள்ளூர் பெண் ஒருவர் பணி முடிந்து வீடு திரும்பும் போது கொழும்பு நகரில் வைத்து இனந்தெரியாதோரால் "வெள்ளை வான்" ஒன்றில் வைத்துக் கடத்தப்பட்டு விசாரணை செய்யப்பட்டு இரண்டு மணி நேரத்தின் பின்னர் விடுவிக்கப்பட்டார்.

2019 டிசம்பர்

• 4 டிசம்பர் - இலங்கையின் பிரபல ஆடை வடிவமைப்பாளர் அனுராதா யகம்பத் கிழக்கு மாகாணத்தின் ஆளுநராக அரசுத்தலைவர் கோத்தாபய ராஜபக்சவினால் நியமிக்கப்பட்டார்.
• 7 டிசம்பர் - இலங்கையைச் சேர்ந்த கரொலைன் ஜூரி 2020 ஆம் ஆண்டுக்கான உலகத் திருமணமான பெண் அழகியாகத் தேர்ந்தெடுக்கப்பட்டார்.
• 2019 இறப்புகள்
• சனவரி 20 - மித்திர வெத்தமுனி, துடுப்பாட்ட வீரர்
• பெப்ரவரி 22 - கருணா, ஓவியர்
• மார்ச் 28 - கலாலக்ஷ்மி தேவராஜா, எழுத்தாளர்
• ஏப்ரல் 20 - சு. முத்தையா, ஊடகவியலாளர், வரலாற்றாளர்
• சூலை 23 - ஆர். சிவலிங்கம், எழுத்தாளர்
• ஆகத்து 5 - சாலிந்த திசாநாயக்கா, அரசியல்வாதி
• செப்டம்பர் 2 - கார்லோ பொன்சேகா, மருத்துவர், கல்வியாளர், அரசியல் செயற்பாட்டாளர்.[49]
• செப்டம்பர் 19 - பொ. பூலோகசிங்கம், தமிழ்ப் பேராசிரியர், வரலாற்றாளர்
• நவம்பர் 19 - தி. மு. ஜயரத்ன, 88, முன்னாள் இலங்கைப் பிரதமர் (2010-2015)